Proffil swydd

A ydych chi eisiau dechrau GWYCH wrth wneud i'ch gyrfa gyfrif, a oes gennych ddiddordeb yn y ffordd mae arian cyhoeddus yn cael ei wario yng Nghymru a brwdfrydedd i wneud gwahaniaeth? 

Os felly, efallai mai Rhaglen Graddedigion Swyddfa Archwilio Cymru yw'r union beth rydych yn chwilio amdano!

Rydym yn chwilio am arweinwyr y dyfodol yn y sector cyhoeddus yng Nghymru; ac mae gennym ddiddordeb gwirioneddol ym mhwy ydych chi, eich cryfderau a'ch potensial. 

Os byddwch yn dewis ymuno a ni byddwch yn cael eich cefnogi'n llawn i gyflawni cymhwyster cyfrifyddiaeth ICAEW sy'n cael ei gydnabod yn rhyngwladol ac sydd wedi cael canmoliaeth fawr. Byddwch yn cael budd o'r cyfle i ddatblygu llawer o sgiliau eraill gan gynnwys arweinyddiaeth, meddwl yn feirniadol a deallusrwydd emosiynol gan arwain at gymhwyster ILM.

A chithau'n gweithio mewn timau ar draws Swyddfa Archwilio Cymru, byddwch yn cael cyfle i feithrin gwybodaeth a phrofiad mewn agweddau amrywiol ar ein gwaith archwilio ariannol a pherfformiad.   

Yn ogystal, mae ein Rhaglen Graddedigion yn gyfle datblygu unigryw i ymgymryd a secondiadau; gallai hyn fod yn fewnol neu ar draws y Sector Cyhoeddus ehangach ac i sefydliadau eraill a ariennir yn gyhoeddus. 

Beth bynnag fo'r ddisgyblaeth gradd, rydym yn chwilio am raddedigion talentog sy'n hyblyg, yn uchelgeisiol ac yn angerddol am wneud gwahaniaeth ac sy'n ymrwymedig i wella gwasanaethau'r sector cyhoeddus. 

Rydym yn cwmpasu Cymru gyfan ac fel aelod o staff archwilio bydd disgwyl i chi deithio i swyddfeydd cleientiaid amrywiol.

          

Ceir rhagor o wybodaeth am y rol yn ein pecyn recriwtio.

I gael trafodaeth anffurfiol am y swydd ffoniwch Sian Grainger ar 07814 604515